Khmer	Pronunciation	English/Notes	#occ
ពេលព្រឹកព្រលឹម	peel prɨk prɔlɨm	early morning, dawn	1/1

Link to overview page
Link to dictionary

Alms Round (Sakanan) — 05

បន្ទាប់មកទៀតរូបភាពទី ៥ រូបភាពទី ៥ បន្ទាប់ពីស្ត្រីចំណាស់ម្នាក់នោះគាត់បានរៀបចំចង្ហាន់ ឬក៏រៀបចំបាយរួចរាល់ហើយ គាត់ក៏បានចូលមកដាស់ចៅស្រីរបស់គាត់ អញ្ចឹងគាត់ចូលមកដាស់ក្មេងស្រីម្នាក់ដែលកំពុងគេង ដែលក្មេងស្រីម្នាក់នោះ យើង មើលទៅអាយុគាត់ប្រហែលជា ៦ ឆ្នាំ អញ្ចឹងគាត់កំពុងតែគេងនៅក្នុងបន្ទប់គេងរបស់គាត់ អញ្ចឹងស្ត្រីចំណាស់ម្នាក់នោះគាត់បានមកដាស់ចៅស្រីរបស់គាត់ដើម្បីឲ្យក្រោក។ ជាទូទៅមនុស្សចាស់គាត់គេងលឿន បានន័យថាគាត់គេងឆាប់ភ្ញាក់។ គាត់សម្រាន្ត យើង មនុស្សចាស់យើងប្រើពាក្យថាសម្រាន្ត ចំណែកឯក្មេងយើងហៅថាគេង ឬក៏ដេក អញ្ចឹងមនុស្សចាស់គាត់គេង គាត់សម្រាន្តគឺគាត់ភ្ញាក់លឿន ហើយគាត់ភ្ញាក់នៅពេលព្រឹកព្រលឹម ប៉ុន្តែក្មេងគឺគាត់អត់ចូលចិត្តភ្ញាក់លឿនទេ អញ្ចឹងគាត់គេងរហូតទាល់តែពេលព្រឹក រហូតទាល់តែដល់យាយគាត់ដាស់។ អញ្ចឹងយើងឃើញ[...]ក្មេងស្រីម្នាក់នោះ គាត់កំពុងតែគេង ដែលក្បាលរបស់គាត់កើយនៅលើខ្នើយ ហើយគាត់ដណ្ដប់ភួយមួយ ដោយភួយនោះគឺពណ៌លឿង អញ្ចឹងពេលនោះគឺជាពេលព្រឹកហើយ ដូច្នេះស្ត្រីចំណាស់ម្នាក់នោះ គាត់បានទៅដាស់នាងឲ្យភ្ញាក់ឡើង អញ្ចឹងក្មេងស្រីតូចនោះគឺគាត់អត់ចង់ភ្ញាក់ទេ ដោយសារតែគាត់ចូលចិត្តគេង ក្មេងគឺចូលចិត្តគេង ហើយគេចូលចិត្តឲ្យគេងឲ្យបានយូរ គឺគេអត់ចង់ក្រោកទេនៅពេលដែលគេគេង អញ្ចឹងស្ត្រីចំណាស់ម្នាក់នោះដាស់ចៅស្រីរបស់គាត់ ដើម្បីឲ្យនាងក្រោកពីគេង ដើម្បីរៀបចំខ្លួន។