Khmer	Pronunciation	English/Notes	#occ
កាន់	kan	1. to hold, carry in the hand, grasp, hang on to 2. to control, be in charge of, be responsible for 3. to withstand, support, sustain, bear 4. to hold to, believe in, keep/observe (e.g., a religion) {កាន់សាសនាព្រះពុទ្ធ = to believe in Buddhism} 5. (of a spirit) to possess	297/140

Link to overview page
Link to dictionary

Asking “What is this?” — Dialogue 2

ធារី៖ ពិសិដ្ឋ! កាន់អីនៅនឹងដៃហ្នឹង?
ពិសិដ្ឋ៖ វចនានុក្រមអេឡិចត្រូនិច ធារីស្គាល់អត់?
ធារី៖ ធ្លាប់តែឮគេនិយាយ តែអត់ដែលឃើញសោះ។ គេប្រើយ៉ាងម៉េចអាហ្នឹង?

Introducing oneself to others — Additional dialogue

សុខុម៖ អូ បញ្ញាមែន? ម៉ោ ម៉ោនេះបងប្រាប់។
បញ្ញា៖ បាទបង។
សុខុម៖ នេះតុធ្វើការរបស់បញ្ញាឯង។ ក្រុមយើងត្រូវចេញទៅក្រៅជួបភ្ញៀវច្រើន ហើយត្រូវគិតរកវិធីសាស្ត្រធ្វើម៉េចឲ្យគេស្គាល់ក្រុមហ៊ុនយើងកាន់តែច្រើន។
បញ្ញា៖ បាទបង។
សុខុម៖ យើងកំពុងធ្វើគម្រោងមួយ។ ហើយបងចង់ឲ្យបញ្ញាឯងកាន់តួនាទីមួយ។

Asking “What is this?” — Dialogue 1

តើជនជាតិខ្មែរនិយាយថា នេះជាអ្វី? មែនទេ នៅពេលសួរអំពីវត្ថុដែលមិនស្គាល់? ឧទាហរណ៍ក្នុងការសន្ទនាខាងក្រោម និយាយអំពី វចនានុក្រមអេឡិចត្រូនិច (មិនមានក្នុងរូបភាព)
ធារី៖ ពិសិដ្ឋ! ទៅណាហ្នឹង? ហើយកំពុងកាន់អីហ្នឹង?
ពិសិដ្ឋ៖ អូ ធារី! ស្គាល់វចនានុក្រមអេឡិចត្រូនិចអត់? ខ្ញុំផ្ញើគេទិញមកពីជប៉ុន។
ធារី៖ អត់ស្គាល់ផង។ សម្រាប់ធ្វើអីគេអាហ្នឹង?

Breaking A Bowl (Sakanan) — 07

ដែលបន្ទាប់មកទៀតនៅក្នុងរូបភាពទី ៧ នៅក្នុងរូបភាពទី ៧ បន្ទាប់ពីគាត់ចូលមកដល់បន្ទប់ដាក់សម្ភារៈហើយ យើងឃើញក្មេងប្រុសម្នាក់នោះ គាត់ក៏បានយកឈើអំបោស ឬក៏អំបោសខ្លី គាត់បានយកអំបោសខ្លីមួយ ជាមួយនឹងប្រដាប់កើបសំរាម អញ្ចឹងគាត់កំពុងតែកាន់អំបោសខ្លីនិងប្រដាប់កើបសំរាម នៅក្នុងបន្ទប់ដាក់សម្ភារៈរបស់គាត់ ដោយដៃឆ្វេងរបស់គាត់គឺកាន់ប្រដាប់កើបសំរាម រីឯដៃស្ដាំគាត់កាន់អំបោសខ្លី អញ្ចឹងគាត់កំពុងតែយកអំបោសខ្លីនិងប្រដាប់កើបសំរាមចេញពីបន្ទប់ដាក់សម្ភារៈរបស់គាត់។

Remembering — Dialogue 2

លីដា៖ សម្បត្តិ មិញមានឃើញឯកសារខ្ញុំទុកហ្នឹងអេ៎?
សម្បត្តិ៖ ឃើញលីដាឯងកាន់យកទៅនោះហើយតាសមិញ។
លីដា៖ ដំបូងខ្ញុំកាន់ទៅ តែខ្លាចប្រឡាក់ ខ្ញុំក៏យកម៉ោវិញ ហើយគិតថាទុកហ្នឹងម៉ាភ្លែតហ្នឹងអា៎។
សម្បត្តិ៖ អឹម ... អត់ដឹងទេអីចឹង។ ខ្ញុំទើបតែម៉ោដែរ។ ... នោះមែន លីដា?
លីដា៖ ហ្នឹងហើយ! ហាក ម៉េចទៅនៅហ្នុងវិញ? អូ៎ ... ចាំហើយ! ខ្ញុំទៅកូពីក្រដាស ហើយទុកហ្នុងមួយភ្លែតមិញ។
សម្បត្តិ៖ យ៉ាប់ម៉ង។

Alms Round (Sakanan) — 14

បន្ទាប់មកទៀតរូបភាពទី ១៤ រូបភាពទី ១៤ គឺជារូបភាពរបស់ព្រះសង្ឃដែលកំពុងតែសូត្រធម៌ឲ្យពរ។ អញ្ចឹងបានន័យថាបន្ទាប់ពីគាត់ទទួលបានចង្ហាន់ហើយ ព្រះសង្ឃត្រូវតែសូត្រធម៌ឲ្យពរដល់អ្នកដាក់ចង្ហាន់ទៅដល់ព្រះសង្ឃ ដើម្បីឧទ្ទិស ឬក៏ដើម្បីជូនពរដល់អ្នកដែលបានដាក់ចង្ហាន់ឲ្យបានសម្រេចនូវបំណងប្រាថ្នាផ្សេងៗរបស់គេ ដែលបានប៉ង។ អញ្ចឹងនៅក្នុងរូបភាពនេះ យើងឃើញព្រះសង្ឃកំពុងតែកាន់បាត្រ ដៃទាំងពីររបស់ព្រះសង្ឃកំពុងតែកាន់បាត្រ ហើយព្រះសង្ឃកំពុងតែសូត្រធម៌ ដើម្បីឲ្យពរទៅដល់ស្ត្រីចំណាស់ម្នាក់នោះ ជាមួយនឹងចៅស្រីរបស់គាត់ ឲ្យគាត់សម្រេចបំណងប្រាថ្នាផ្សេងៗទៅតាមការផ្សងរបស់គាត់។

Cutting One’s Finger (Sakanan) — 10

នៅក្នុងរូបភាពទី ១០ នៅក្នុងរូបភាពទី ១០ យើងឃើញថា បន្ទាប់ពីគាត់ចាក់បង់បិទដំបៅចេញពីក្នុងប្រអប់មក គឺបង់បិទដំបៅនោះនៅសល់តែមួយតែប៉ុណ្ណោះ ដោយគាត់បានលើកប្រអប់ឡើង ដើម្បីបើកភ្នែកមើលទៅក្នុងប្រអប់នោះ យើងឃើញក្នុងរូបភាពនេះ ដៃឆ្វេងរបស់គាត់កាន់ប្រអប់បង់បិទដំបៅឡើងកម្ពស់នឹងភ្នែក ហើយគាត់បិទភ្នែកម្ខាង បើកភ្នែកម្ខាង អញ្ចឹងបានគាត់បិទភ្នែកម្ខាង បើកភ្នែកម្ខាង ហើយភ្នែកដែលបើកនោះ គឺសម្លឹងចូលទៅមើលក្នុងប្រអប់ គឺធ្វើបែបនេះដើម្បីគាត់ពិនិត្យមើលថា តើបង់បិទដំបៅអស់ហើយឬនៅ អញ្ចឹងនៅក្នុងរូបភាពនេះ យើងឃើញថា បង់បិទដំបៅនៅសល់តែមួយ ដោយគាត់ នៅសល់តែមួយ ដោយគាត់កាន់នៅនឹងដៃស្ដាំ ហើយនៅក្នុងប្រអប់គឺពុំមានបង់បិទដំបៅសល់ទៀតនោះទេ។

Cutting One’s Finger (Sakanan) — 14

បន្ទាប់ពីបានរុំដៃហើយ នៅក្នុងរូបភាពទី ១៤ នៅក្នុងរូបភាពទី ១៤ បន្ទាប់ពីគាត់រុំដៃគាត់នឹងបង់បិទដំបៅរួចហើយ បុរសនោះ គាត់ក៏បានចូលមកក្នុងផ្ទះបាយវិញ បាទ គាត់ចូលមកក្នុងផ្ទះបាយវិញ គាត់ចូលមកដើម្បីបន្តការចិតបន្លែធ្វើម្ហូបរបស់គាត់បន្តទៀត បាទ អញ្ចឹងបុរសនោះ គាត់កាន់ការ៉ុតដដែល បាទ គាត់កាន់ការ៉ុត ហើយចិតចំណិតការ៉ុតនោះជាចំណិតតូចៗជាច្រើនដាក់នៅលើតុ បាទ ម្ដងនេះគឺគាត់មានការប្រុងប្រយ័ត្នខ្ពស់ជាងមុន បាទ ព្រោះថាយើងឃើញថា ដៃរបស់គាត់កាន់កាំបិតដោយប្រុងប្រយ័ត្ន ហើយដៃម្ខាងទៀតរបស់គាត់ដែលកាន់ការ៉ុត ក៏មានការប្រុងប្រយ័ត្នដែរ ព្រោះថាគាត់មិនធ្វើឲ្យមានការមុតដៃជាលើកទីពីរទៀតនោះទេ ព្រោះការមុតដៃគឺវាធ្វើឲ្យឈឺ ហើយមានគ្រោះថ្នាក់ អញ្ចឹងគាត់ធ្វើការប្រុងប្រយ័ត្នខ្ពស់ជាងមុន។

Going To The ATM (Sakanan) — 06

អញ្ចឹងចូលដល់រូបភាពទី ៦ នៅក្នុងរូបភាពទី ៦ នារីម្នាក់នោះ គាត់ក៏បានឈរនៅខាងមុខម៉ាស៊ីនអេធីអឹម ឬក៏ម៉ាស៊ីនដកប្រាក់ បាទ ហើយដៃឆ្វេងរបស់គាត់ គាត់កាន់កាតអេធីអឹម បាទ អញ្ចឹងក្នុងការប្រើប្រាស់ម៉ាស៊ីនអេធីអឹម យើងត្រូវមានកាតធនាគារមួយ ឬក៏គេហៅថាកាតអេធីអឹម យើងត្រូវបញ្ចូលកាតអេធីអឹមនោះទៅក្នុងម៉ាស៊ីនអេធីអឹម ឬក៏ម៉ាស៊ីនដកប្រាក់ អញ្ចឹងរូបភាពនេះ យើងឃើញថា ដៃឆ្វេង ដៃស្ដាំរបស់នារីនេះ បាទ នារីនេះ គាត់ប្រើប្រាស់ដៃស្ដាំរបស់គាត់ ដើម្បីកាន់កាតអេធីអឹមដាក់ចូលទៅក្នុងម៉ាស៊ីន។ អញ្ចឹងគាត់ដាក់ចូលនូវកាតនៅក្នុងម៉ាស៊ីន ដើម្បីឲ្យម៉ាស៊ីនពិនិត្យទៅលើអាខោនធនាគារ ឬក៏ពិនិត្យទៅលើគណនីធនាគាររបស់គាត់ថាត្រឹមត្រូវឬទេ។ អញ្ចឹង ជាទូទៅ យើងប្រើប្រាស់ម៉ាស៊ីនអេធីអឹម យើងត្រូវប្រើកាត ដើម្បីដាក់ចូលក្នុងម៉ាស៊ីន ដើម្បីឲ្យម៉ាស៊ីនត្រួតពិនិត្យថា តើគណនីរបស់យើងត្រឹមត្រូវដែរឬទេ។

Rice (Sakanan) — 12

បន្ទាប់មករូបភាពទី ១២ នៅក្នុងរូបភាពទី ១២ យើងឃើញ បន្ទាប់ពីគេកិនស្រូវហើយ ស្រូវនោះនឹងក្លាយទៅជាអង្ករ អញ្ចឹងអង្ករគឺមានពណ៌សដែលខុសពីស្រូវ ដោយស្រូវគឺមានពណ៌មាស ដោយសារតែសំបករបស់អង្ករគឺមានពណ៌លឿង ដូច្នេះនៅពេលដែលអង្ករមិនទាន់បានបកសំបកចេញគេហៅថាស្រូវ នៅពេលដែលគេបកសំបកចេញរួចហើយ គឺគេហៅថាអង្ករ អញ្ចឹងអង្ករគឺមានពណ៌ស ដូច្នេះនៅក្នុងរូបភាពទី ១២ គឺយើងឃើញគេកំពុងតែយកចានមួយចូកអង្ករចេញពីក្នុងបាវ អញ្ចឹងចានមួយ គឺយើងឃើញមានដៃមួយកំពុងតែកាន់ចានពណ៌ខៀវ ហើយចូកអង្ករពណ៌សចេញពីក្នុងបាវពណ៌លឿងមួយ អញ្ចឹងគេចូកអង្ករ ដើម្បីយកទៅប្រើប្រាស់ដូចជាដាំបាយ ឬក៏ដាំបបរផ្សេងៗ អញ្ចឹងរូបភាពនេះ គឺគេកំពុងតែវាល់អង្ករចេញពីក្នុងបាវដើម្បីយកទៅដាំបាយ។

Boats (Sakanan) — 12 Canoe or rowing boat

បន្ទាប់មកទៀតរូបភាពទី ១២ រូបភាពទី ១២ យើងឃើញថា មានប្រភេទទូកជាច្រើន ដែលធ្វើដំណើរតាមផ្លូវទឹក អញ្ចឹងនៅក្នុងការធ្វើដំណើរតាមផ្លូវទឹក គឺយើងមានមធ្យោបាយជាច្រើន ដូចជានៅក្នុងរូបភាពទី ១២ នេះ បុរសម្នាក់ គាត់កំពុងតែអុំទូក អញ្ចឹង[មាន]ទូកមានប្រភេទជាច្រើន ដូចជាទូកអុំ ទូកចែវជាដើម ដែលទូកអុំនេះគឺយើងប្រើ[ច្រវា] យើងឃើញបុរសម្នាក់នេះ គាត់កំពុងតែអង្គុយ ហើយដៃរបស់គាត់ទាំងពីរកំពុងតែកាន់[ច្រវា] ដើម្បីចែវទូក អញ្ចឹងគាត់ចែវចុះឡើងៗ ដោយកាយទឹក ដើម្បីឲ្យទូកទៅមុខ ដែលយើងឃើញរូបភាពនេះ គឺដៃបុរសម្នាក់នេះ គាត់កំពុងតែបោះត្រង់ទៅមុខ ហើយកាន់[ច្រវា] ដែល[ច្រវា] កន្ទុយ[ច្រវា]នៅក្នុងទឹក គល់[ច្រវា]ដែលគាត់កំពុងតែកាន់ ហើយកន្ទុយ[ច្រវា]កំពុងតែបក់ទឹក ឬក៏កាយទឹក ដើម្បីឲ្យទូកលូនទៅមុខ ដែលទូកនេះគេហៅថាទូកអុំ។

Grilled Fish (Sakanan) — 11

បន្ទាប់មកទៀតរូបភាពទី ១១ នៅក្នុងរូបភាពទី ១១ យើងឃើញថា បន្ទាប់ពីពួកគាត់បានរៀបចានហើយ អញ្ចឹងបុរសម្នាក់នោះ គាត់ក៏បានយកត្រីដែលគាត់បានទិញអម្បាញ់មិញមកដាក់ក្នុងចានផងដែរ អញ្ចឹងដោយសារតែត្រីគឺមានរូបរាងវែង ដូច្នេះគាត់ត្រូវប្រើប្រាស់ចានរាងពងក្រពើ ចានរាងពងក្រពើដើម្បីដាក់ត្រីនោះ អញ្ចឹងយើងឃើញគាត់ដាក់ត្រីនៅលើចានរាងពងក្រពើ រួចហើយគាត់កាន់មកដាក់នៅលើកម្រាល ដោយសារតែត្រីនោះ គឺជាត្រីអាំងហើយក្ដៅ ដូច្នេះយើងឃើញមានផ្សែងហុយចេញពីសាច់ត្រី ដែលបង្កឲ្យមានក្លិនឈ្ងុយ អញ្ចឹងបានន័យថាផ្សែងដែលចេញពីសាច់ត្រីគឺធ្វើឲ្យមានក្លិនឈ្ងុយ បានន័យថាគួរឲ្យចង់ញ៉ាំ អញ្ចឹងយើងឃើញស្ត្រីដែលជាមិត្តស្រីរបស់បុរសម្នាក់នោះ គាត់អង្គុយលុតជង្គង់នៅលើកម្រាល ហើយបុរសដែលជាវ័យ ២៣ ឆ្នាំនោះ គាត់ក៏បានយកត្រីមកដាក់នៅលើកម្រាលដើម្បីញ៉ាំផងដែរ។

Hospital (Sakanan) — 15

បន្ទាប់មកទៀតរូបភាពទី ១៥ រូបភាពទី ១៥ ក្រោយពេលចូលសម្រាកនៅក្នុងមន្ទីរពេទ្យបានមួយរយៈ ក្រោយមកយើងឃើញបុរសម្នាក់នោះ គាត់ក៏ចាប់ផ្ដើមរៀនដើរឡើងវិញ ប៉ុន្តែដោយសារតែជើងរបស់គាត់អត់ទាន់ជាស្រួលបួល អញ្ចឹងជើងរបស់គាត់អត់ទាន់ជាស្រួលបួលនោះទេ ដូច្នេះការរៀនដើររបស់គាត់គឺត្រូវពឹងផ្អែកទៅលើឈើច្រត់ ដោយយើងឃើញនៅក្នុងរូបភាពនេះឪពុកម្ដាយរបស់គាត់ជួយទប់គាត់សងខាង គឺនៅឆ្វេងមួយនិងនៅស្ដាំមួយ ដោយឪពុករបស់គាត់គឺឈរនៅខាងឆ្វេង និងម្ដាយរបស់គាត់ឈរទប់គាត់នៅខាងស្ដាំ ចំណែកឯគាត់ ដៃទាំងសងខាងរបស់គាត់ គឺកាន់ឈើច្រត់ចំនួនពីរ ហើយគាត់កំពុងតែរៀនដើរនៅតាមផ្លូវ ដើម្បីឲ្យជើងរបស់គាត់ស៊ាំទៅនឹងការដើរឡើងវិញ។ ព្រោះដោយសារតែជើងរបស់គាត់បាក់ ដូច្នេះពិបាកនៅក្នុងការដើរណាស់ នៅពេលដែលគាត់ជាភ្លាមៗ អញ្ចឹងហើយគាត់ត្រូវការប្រើប្រាស់ឈើច្រត់ដើម្បីជាជំនួយនៅក្នុងការដើរ។

Cutting One’s Finger (Sakanan) — 15

នៅក្នុងរូបភាពទី ១៥ នៅក្នុងរូបភាពទី ១៥ យើងឃើញថា បន្ទាប់ពីបុរសនោះបានធ្វើម្ហូបរួចរាល់ហើយ បាទ បុរសម្នាក់នោះ គាត់ធ្វើម្ហូបរួចរាល់ហើយ គាត់ក៏បាននឹកឃើញទៅដល់បង់បិទដំបៅដែលអស់ បាទ អញ្ចឹងហើយគាត់ក៏បានយកប្រអប់បង់បិទដំបៅមកចាក់មើលម្ដងទៀតថាតើវាអស់ហើយឬនៅ បាទ នៅក្នុងរូបភាពនេះ គាត់យកដៃឆ្វេងរបស់គាត់កាន់បង់បិទដំបៅ កាន់ប្រអប់បង់បិទដំបៅ លើកឡើងលើ ហើយចាក់ចុះក្រោម អញ្ចឹងមាត់បង់បិទដំបៅគឺចាក់ចុះក្រោម ដើម្បីឲ្យបង់បិទដំបៅធ្លាក់ ក៏ប៉ុន្តែពុំមានបង់បិទដំបៅធ្លាក់នោះទេ ដូច្នេះហើយគាត់ក៏បានគិតទៅដល់បង់បិទដំបៅថាតើវាអស់ហើយឬនៅ អញ្ចឹងគាត់បានសួរខ្លួនឯងថា បង់បិទដំបៅនេះអស់ហើយឬនៅ យើងឃើញបង់បិទដំបៅដែលគាត់កំពុងតែគិត ហើយមានសញ្ញាសួរនៅក្បែរនោះ អញ្ចឹងបានន័យថា នៅពេលដែលគាត់ចាក់បង់បិទដំបៅចេញពីប្រអប់[...] មិនមានចេញនោះទេ បានន័យថាបង់បិទដំបៅរបស់គាត់អស់ហើយ។

Doing The Dishes (Sakanan) — 11

បន្ទាប់មកទៀតរូបភាពទី ១១ នៅក្នុងរូបភាពទី ១១ យើងឃើញថា បន្ទាប់ពីក្មេងប្រុសម្នាក់នោះ គាត់ជ្រលក់ចានដែលលាងនឹងទឹកសាប៊ូរួចរាល់ហើយ គាត់ក៏ជ្រលក់ចានគាត់ចូលទៅក្នុងចានដែកពណ៌លឿង ដើម្បីជម្រះជាតិសាប៊ូនោះចេញ អញ្ចឹងគាត់ជម្រះបណ្ដើរ គាត់ដុសចាននោះបណ្ដើរ គាត់ដុសឡើងវិញបណ្ដើរ ដើម្បីឲ្យអស់ជាតិសាប៊ូ អញ្ចឹងដំបូងគាត់លាងជាមួយនឹងសាប៊ូ ដើម្បីឲ្យអស់ជាតិខ្លាញ់ បន្ទាប់មកគាត់យកចានដែលជ្រះជាតិខ្លាញ់នោះទៅជ្រលក់នឹងទឹកស្អាត ដែលអត់មានសាប៊ូ ដើម្បីលាងជម្រះជាតិសាប៊ូចេញ អញ្ចឹងបន្ទាប់ពីគាត់បានលាងជម្រះជាតិសាប៊ូហើយ យើងឃើញចាននោះ គឺគាត់កំពុងតែកាន់ចានមួយដែលភ្លឺស្អាត អញ្ចឹងបានន័យថាចានដែលគាត់កំពុងលាងគឺស្អាតអស់ហើយ បានន័យថាស្អាត អត់មានស្នាមប្រឡាក់ ហើយក៏អត់មានស្នាម អត់មានក្លិនសាប៊ូទៀតដែរ គឺគាត់ដុសបានយ៉ាងស្អាតល្អមែនទែន អញ្ចឹងរូបភាពនេះគឺគាត់លាងជម្រះចានបានស្អាត។

Explaining how something works — Dialogue

កូន៖ ម៉ាក់! ម៉ាក់បង្រៀនខ្ញុំដេរឡេវតិចបានអេ៎?
ម៉ាក់៖ បានតាសកូន។ យកម្ជុលហើយខ្សែអំបោះម៉ោ។ ដំបូង ដោតខ្សែអំបោះចូលរន្ធម្ជុលឲ្យចូលសិនទៅ។
កូន៖ ចូលហើយម៉ាក់។ ហើយម៉េចទៀត?
ម៉ាក់៖ បន្ទាប់ម៉ោ កួចខ្សែអំបោះនៅខាងចុង កុំឲ្យវារបូតចេញវិញ។ ចេះកួចអត់? ... មិនមែនអីចឹងអេ៎។ ចាំមើលអា៎ កួចអញ្ចេះ បានវាជាប់ល្អ។ ហើយបន្ទាប់ម៉ោ យើងយកឡេវមកដេរ។ កាន់ឡេវអញ្ចេះ កុំឲ្យជ្រុះ។ ហើយដេរពីលើចុះក្រោម ពីក្រោមឡើងលើអីចឹងទៅ។
កូន៖ រួចហើយម៉ាក់។ ដល់ពេលចុងក្រោយធ្វើម៉េចទៅ? កាត់យកម៉ងបានអេ៎?
ម៉ាក់៖ មានអ្នកណាកាត់យកម៉ង របូតខ្ទេចអស់ឥឡូវហ្នឹងហើយ។ យើងត្រូវកួចម្ដងទៀតនៅខាងក្នុងខោ កុំឲ្យមើលពីក្រៅទៅឃើញ។ កួចអញ្ចេះ ឃើញអត់? ... ចេះនៅ?
កូន៖ បាទ ចេះហើយ។

Breaking A Bowl (Sakanan) — 15

បន្ទាប់មកទៀតរូបភាពទី ១៥ នៅក្នុងរូបភាពទី ១៥ យើងឃើញថា បន្ទាប់ពីគាត់យកចានថ្មីមកហើយ អញ្ចឹងបុរសម្នាក់នោះ គាត់ក៏បានយកចានថ្មីមកប្រើប្រាស់ ដោយចានថ្មីរបស់គាត់គឺមានពណ៌បៃតង អញ្ចឹងពេលមុនគាត់ប្រើប្រាស់ចានពណ៌ផ្កាឈូក ដែលគាត់ធ្វើឲ្យបែក អញ្ចឹងនៅពេលដែលគាត់បោសសម្អាតផ្ទះបាយរបស់គាត់ បោសសម្អាតអំបែងចានរួចរាល់ហើយ គាត់បានបោសសម្អាតអំបែងចានរួចរាល់ហើយ អញ្ចឹងគាត់ក៏បានយកចានថ្មីមកប្រើប្រាស់ម្ដងទៀត ដោយចាននេះគឺគាត់ប្រើប្រាស់ចាន គាត់ប្រើប្រាស់ចានគោមពណ៌បៃតង អញ្ចឹងម្ដងនេះគឺគាត់ប្រុងប្រយ័ត្នជាងមុន ដោយគាត់យកចានគោមរបស់គាត់ ដោយគាត់កាន់ដៃទាំងពីររបស់គាត់ កាន់ចានគោមដោយដៃទាំងពីរ ហើយយកមកដាក់នៅលើតុនៅក្នុងផ្ទះបាយ ក្បែរបន្លែរបស់គាត់វិញ អញ្ចឹងគាត់បានយកចានថ្មីមកដាក់ងាយស្រួលក្នុងការនៅពេលដែលគាត់ចិតបន្លែហើយ គាត់អាចយកបន្លែទាំងនោះដាក់ទៅក្នុងចានគោម។

Alms Round (Sakanan) — 11

បន្ទាប់មកទៀតរូបភាពទី ១១ នៅក្នុងរូបភាពទី ១១ យើងឃើញថា បន្ទាប់ពីព្រះសង្ឃបើកបាត្ររួចរាល់ហើយ បើកគម្របបាត្រហើយ ស្ត្រីចំណាស់ម្នាក់នោះ គាត់ក៏បានយកកញ្ចប់បាយទៅដាក់ចូលទៅក្នុងបាត្ររបស់ព្រះសង្ឃ អញ្ចឹងបន្ទាប់ពីយើងបួងសួងរួចហើយ យើងកាន់កញ្ចប់បាយរបស់យើងបួងសួងរួចហើយ យើងត្រូវយកចង្ហាន់របស់យើងទៅដាក់នៅក្នុងបាត្ររបស់ព្រះសង្ឃ ដើម្បីប្រគេនទៅដល់ព្រះសង្ឃ។ អញ្ចឹងជាទូទៅ មនុស្សស្រីអត់អាចប៉ះពាល់ព្រះសង្ឃបានទេ ដោយសារតែព្រះសង្ឃ វិន័យរបស់ព្រះសង្ឃ គឺមិនឲ្យប៉ះពាល់មនុស្សស្រី ដូច្នេះយើងធ្វើយ៉ាងណា ប្រសិនបើយើងជាមនុស្សស្រី យើងត្រូវតែប្រយ័ត្នមិនត្រូវប៉ះពាល់ព្រះសង្ឃនោះទេ ព្រោះវាអាចធ្វើឲ្យយើងបាបបាន ហើយព្រះសង្ឃគឺខុសវិន័យសង្ឃផងដែរ ដូច្នេះប្រសិនបើមនុស្សប្រុសគឺអត់អីទេ គឺប៉ះអត់អីទេ ប៉ុន្តែមនុស្សស្រីគឺយើងអត់ត្រូវប៉ះព្រះសង្ឃជាដាច់ខាត។ ដែលយើងឃើញស្ត្រីចំណាស់ម្នាក់នេះ គឺគាត់គ្រាន់តែយកកញ្ចប់បាយដាក់ទៅក្នុងបាត្រព្រះសង្ឃ គឺគាត់អត់ឲ្យប៉ះព្រះសង្ឃនោះទេ។

Fried Rice (Sakanan) — 12

បន្ទាប់មកទៀតរូបភាពទី ១២ នៅក្នុងរូបភាពទី ១២ យើងឃើញថា បន្ទាប់ពីគាត់ចម្អិនឆ្អិនរួចរាល់ហើយ នៅពេលដែលគាត់ចម្អិនបាយឆារួចរាល់ហើយ អ្នកលក់គាត់ក៏បានយកបាយឆារបស់គាត់នោះ អញ្ចឹងគាត់បានយកបាយឆាដែលឆ្អិនរួច មកដាក់នៅលើតុ ដោយយើងឃើញបាយឆាហ្នឹងគឺទើបតែឆ្អិន អញ្ចឹងបានន័យថាបាយឆាគឺនៅក្ដៅ ដោយសារតែគាត់ឆានៅក្នុង នៅលើភ្លើង ដូច្នេះបាយឆាគឺក្ដៅ ដូច្នេះហើយយើងឃើញចានបាយឆា គឺមានផ្សែងហុយចេញ អញ្ចឹងអ្នកលក់គាត់ក៏បានយកបាយឆា ដែលមានពងទាចៀន មានសាច់ជ្រូក មានបន្លែនោះ មកឲ្យអតិថិជនរបស់គាត់តាមការកុម្ម៉ង់ អញ្ចឹងយើងឃើញនារីម្នាក់នោះ គាត់កំពុងតែអង្គុយចាំ នារីដែលមានវ័យ ២៣ ឆ្នាំ គាត់កំពុងតែអង្គុយចាំនៅនឹងតុរបស់គាត់ ឲ្យដាក់ដៃទាំងពីរនៅលើតុ ហើយគាត់បានសម្លឹងទៅអ្នកលក់ ដែលបានកំពុងតែកាន់ចានដែលមានបាយឆា យកមកឲ្យគាត់ផងដែរ។

Rice (Sakanan) — 02

ចូលមកដល់រូបភាពទី ២ នៅក្នុងរូបភាពទី ២ យើងឃើញកសិករដដែលនោះ គាត់បានភ្ជួរស្រែ ដោយប្រើម៉ាស៊ីនភ្ជួរស្រែវិញម្ដង អញ្ចឹង ពីដើម ឬក៏ពីមុន គឺយើងប្រើប្រាស់កម្លាំងសត្វ ដើម្បីអូសទាញនៅក្នុងការភ្ជួរស្រែ ឬក៏នៅក្នុងការរាស់ស្រែ ក៏ប៉ុន្តែឥឡូវ ដើម្បីចំណេញពេល គឺកសិករ គាត់ប្រើម៉ាស៊ីនវិញម្ដង ជាក់ស្ដែងដូចនៅក្នុងរូបភាពទី ២ នេះ គឺយើងឃើញកសិករម្នាក់ ដែលគាត់ពាក់អាវពណ៌ស ខោជើងវែងពណ៌ផ្កាឈូក និងមានពាក់មួកស្លឹកត្នោតផងដែរនោះ គឺគាត់កំពុងតែកាន់ចង្កូតម៉ាស៊ីន ដើម្បីបញ្ជាម៉ាស៊ីនក្នុងការភ្ជួរស្រែ អញ្ចឹងការភ្ជួរស្រែដោយប្រើម៉ាស៊ីន គឺមានលក្ខណៈលឿន ហើយរហ័សនិងងាយស្រួល ដោយសារតែមិនប្រើប្រាស់កម្លាំងអូសទាញនៃសត្វនោះទេ អញ្ចឹងវាលឿន ហើយងាយស្រួលក្នុងការធ្វើស្រែ អញ្ចឹងគឺចំណេញពេលវេលាដល់កសិករ ដូច្នេះនៅក្នុងសម័យឥឡូវ ឬក៏បច្ចុប្បន្ន គឺកសិករ គាត់ភាគច្រើន គឺគាត់ចូលចិត្តប្រើប្រាស់ម៉ាស៊ីន ជាជាងការប្រើប្រាស់កម្លាំងសត្វក្របី អញ្ចឹងនៅក្នុងរូបភាពទី ២ គឺកសិករ គាត់កំពុងតែភ្ជួរស្រែ ដោយប្រើប្រាស់ម៉ាស៊ីន។