KhmerPronunciationEnglish/Notes#occ
ក្លិន klən odor, smell, scent 39/21

Link to overview page
Link to dictionary

Expressing dislikes 1 — Cultural note


តើក្លិនផ្លែទុរេនឈ្ងុយឬក្រអូបទេសម្រាប់អ្នក? ជនជាតិផ្សេងភាគច្រើនមិនចូលចិត្តក្លិនរបស់ផ្លែទុរេននោះទេ។ ប៉ុន្តែ ជនជាតិខ្មែរជាទូទៅចូលចិត្តក្លិននិងរសជាតិផ្លែទុរេនខ្លាំងណាស់ ។ ទុរេនដែលល្បីថាឆ្ងាញ់គឺទុរេនមកពីខេត្តកំពត។

Expressing likes 2 — Cultural note


ជនជាតិខ្មែរចូលចិត្តធ្វើម្ហូបដោយដាក់ប្រហុកនៅក្នុងសម្ល មានសម្លប្រហើរ សម្លកកូរ ។ល។ ប្រហុកគឺជាគ្រឿងទេសម្យ៉ាងរបស់ខ្មែរដែលធ្វើអំពីត្រីបុកឲ្យហ្មត់និងផ្អាប់ទុក។ ជនជាតិខ្មែរមួយចំនួននិងជនបរទេសភាគច្រើន មិនចូលចិត្តក្លិនរបស់ប្រហុកនោះទេ។

Grilled Fish (Sakanan) — 11


បន្ទាប់មកទៀតរូបភាពទី ១១ នៅក្នុងរូបភាពទី ១១ យើងឃើញថា បន្ទាប់ពីពួកគាត់បានរៀបចានហើយ អញ្ចឹងបុរសម្នាក់នោះ គាត់ក៏បានយកត្រីដែលគាត់បានទិញអម្បាញ់មិញមកដាក់ក្នុងចានផងដែរ អញ្ចឹងដោយសារតែត្រីគឺមានរូបរាងវែង ដូច្នេះគាត់ត្រូវប្រើប្រាស់ចានរាងពងក្រពើ ចានរាងពងក្រពើដើម្បីដាក់ត្រីនោះ អញ្ចឹងយើងឃើញគាត់ដាក់ត្រីនៅលើចានរាងពងក្រពើ រួចហើយគាត់កាន់មកដាក់នៅលើកម្រាល ដោយសារតែត្រីនោះ គឺជាត្រីអាំងហើយក្ដៅ ដូច្នេះយើងឃើញមានផ្សែងហុយចេញពីសាច់ត្រី ដែលបង្កឲ្យមានក្លិនឈ្ងុយ អញ្ចឹងបានន័យថាផ្សែងដែលចេញពីសាច់ត្រីគឺធ្វើឲ្យមានក្លិនឈ្ងុយ បានន័យថាគួរឲ្យចង់ញ៉ាំ អញ្ចឹងយើងឃើញស្ត្រីដែលជាមិត្តស្រីរបស់បុរសម្នាក់នោះ គាត់អង្គុយលុតជង្គង់នៅលើកម្រាល ហើយបុរសដែលជាវ័យ ២៣ ឆ្នាំនោះ គាត់ក៏បានយកត្រីមកដាក់នៅលើកម្រាលដើម្បីញ៉ាំផងដែរ។

Doing The Dishes (Sakanan) — 11


បន្ទាប់មកទៀតរូបភាពទី ១១ នៅក្នុងរូបភាពទី ១១ យើងឃើញថា បន្ទាប់ពីក្មេងប្រុសម្នាក់នោះ គាត់ជ្រលក់ចានដែលលាងនឹងទឹកសាប៊ូរួចរាល់ហើយ គាត់ក៏ជ្រលក់ចានគាត់ចូលទៅក្នុងចានដែកពណ៌លឿង ដើម្បីជម្រះជាតិសាប៊ូនោះចេញ អញ្ចឹងគាត់ជម្រះបណ្ដើរ គាត់ដុសចាននោះបណ្ដើរ គាត់ដុសឡើងវិញបណ្ដើរ ដើម្បីឲ្យអស់ជាតិសាប៊ូ អញ្ចឹងដំបូងគាត់លាងជាមួយនឹងសាប៊ូ ដើម្បីឲ្យអស់ជាតិខ្លាញ់ បន្ទាប់មកគាត់យកចានដែលជ្រះជាតិខ្លាញ់នោះទៅជ្រលក់នឹងទឹកស្អាត ដែលអត់មានសាប៊ូ ដើម្បីលាងជម្រះជាតិសាប៊ូចេញ អញ្ចឹងបន្ទាប់ពីគាត់បានលាងជម្រះជាតិសាប៊ូហើយ យើងឃើញចាននោះ គឺគាត់កំពុងតែកាន់ចានមួយដែលភ្លឺស្អាត អញ្ចឹងបានន័យថាចានដែលគាត់កំពុងលាងគឺស្អាតអស់ហើយ បានន័យថាស្អាត អត់មានស្នាមប្រឡាក់ ហើយក៏អត់មានស្នាម អត់មានក្លិនសាប៊ូទៀតដែរ គឺគាត់ដុសបានយ៉ាងស្អាតល្អមែនទែន អញ្ចឹងរូបភាពនេះគឺគាត់លាងជម្រះចានបានស្អាត។

Tuk Tuk (Sakanan) — 13


ចូលមកដល់រូបភាពទី ១៣ នៅក្នុងរូបភាពទី ១៣ យើងឃើញថា បន្ទាប់ពីពួកគេតថ្លៃរ៉ឺម៉កកង់បីហើយ ពួកគេក៏បានយល់ព្រមជាមួយនឹងតម្លៃ ៥ ដុល្លារ ដើម្បីជិះត្រលប់ទៅផ្ទះ យើងឃើញរ៉ឺម៉កកង់បីមួយនោះ គឺជារ៉ឺម៉កកង់បីដែលមានពណ៌ទឹកក្រូច អញ្ចឹងស្រដៀងគ្នានឹងរ៉ឺម៉កកង់បីទីមួយដែរ ប៉ុន្តែរ៉ឺម៉កកង់បីទីមួយគឺមានពណ៌ផ្កាឈូក ចំណែករ៉ឺម៉កកង់បីទីពីរគឺមានពណ៌ទឹកក្រូច ហើយម្ចាស់រ៉ឺម៉កកង់បីគឺជាមនុស្សមានសុជីវធម៌ ដោយគាត់បានក្រោកឈរនិយាយជាមួយអតិថិជន ហើយគាត់ពុំបានជក់បារីនោះទេ ព្រោះថាគាត់ដឹងថាការជក់បារីធ្វើឲ្យខូចសុខភាព ហើយធ្វើឲ្យមានក្លិនមិនល្អ ដែលបណ្ដាលឲ្យអតិថិជនរបស់គាត់មិនចូលចិត្ត ដូច្នេះគាត់មិនជក់បារីនោះទេ អញ្ចឹងនៅក្នុងរូបភាពនេះគឺអ្នកទាំងបីក៏បានយល់ព្រមជិះរ៉ឺម៉កកង់បីរបស់បុរសម្នាក់នោះ ដោយនៅជិះ យល់ព្រមជិះនៅក្នុងតម្លៃ ៥ ដុល្លារ ដើម្បីត្រលប់ទៅផ្ទះវិញ។

Noodle Soup (Sakanan) — 11


បន្ទាប់មកទៀតរូបភាពទី ១១ រូបភាពទី ១១ គឺបន្ទាប់ពីពួកគេអង្គុយរង់ចាំបានបន្តិច ដោយពួកគេចាក់ទឹកក្រូចដើម្បីញ៉ាំហើយ មួយសន្ទុះក្រោយមក អ្នកលក់ក៏បានត្រលប់មកតុរបស់ពួកគេទាំងពីរនាក់វិញ។ អញ្ចឹងម្ដងនេះគឺអ្នកលក់មកទាំង ដៃទាំង គាត់ទាំងសងខាងគឺកាន់មីចំនួនពីរចាន ឬក៏គុយទាវចំនួនពីរចាន។ ដោយនៅក្នុងរូបភាពនេះយើងឃើញ អ្នកលក់គាត់បានកាន់ចានមីទឹកស៊ុបនៅក្នុងដៃឆ្វេងរបស់គាត់ ហើយចានមីគោកនៅក្នុងដៃស្ដាំរបស់គាត់។ អញ្ចឹងចានមីទាំងពីរគឺក្ដៅ គឺកំពុងតែក្ដៅ បានន័យថាយើងឃើញមានផ្សែងហុយៗចេញពីចាន អញ្ចឹងក្ដៅផង និងមានក្លិនឈ្ងុយផង ព្រោះជាទូទៅ មីទឹកស៊ុប ឬក៏គុយទាវទឹកស៊ុប គឺតែងតែមានក្លិនទឹកស៊ុបឈ្ងុយ ដែលហិតទៅគឺគួរឲ្យចង់ញ៉ាំមែនទែន ហើយចាន ដោយសារតែក្ដៅៗផង ដូច្នេះរសជាតិវាគឺកាន់តែឆ្ងាញ់តែម្ដង។ អញ្ចឹងនៅក្នុងរូបភាពទី ១១ នេះ គឺអ្នកលក់គាត់បានធ្វើមី ឬក៏ធ្វើគុយទាវទឹកស៊ុបឆ្អិនហើយ ដូច្នេះគាត់ក៏បានដួសដាក់ចាន ដើម្បីយកមកឲ្យអតិថិជនរបស់គាត់ ដែលជាក្មេងប្រុសទាំងពីរនាក់នោះ ដើម្បីញ៉ាំតែម្ដង។

Getting Up (Sakanan) — 06


ចូលដល់រូបភាពទី ៦ នៅក្នុងរូបភាពទី ៦ យើងឃើញថា បន្ទាប់ពីនារីម្នាក់នោះ គាត់ដើរចូលក្នុងបន្ទប់ទឹកគាត់រួចរាល់ហើយ គាត់បានបើកទូកញ្ចក់ឬក៏កូនទូរបស់គាត់ ដើម្បីយកថ្នាំដុសធ្មេញនិងច្រាសដុសធ្មេញចេញមក។ អញ្ចឹងនៅពេលដែលភ្ញាក់ពីគេងហើយ យើងត្រូវការដុសធ្មេញ ដុសសម្អាតធ្មេញរបស់យើង ដើម្បីយកកម្ទេចកម្ទីចេញពីធ្មេញរបស់យើង ព្រោះថាពេលល្ងាច គឺយើងញ៉ាំអាហារពេលល្ងាចជាច្រើន អញ្ចឹងកម្ទេចកម្ទីនឹងនៅជាប់ធ្មេញរបស់យើងជាក់ជាពុំខាន។ ដូច្នេះនៅក្នុងរូបភាពនេះ នារីម្នាក់នោះ គាត់បានច្របាច់ថ្នាំដុសធ្មេញដាក់នៅលើច្រាសដុសធ្មេញរបស់គាត់ អញ្ចឹងថ្នាំដុសធ្មេញ ប្រអប់ថ្នាំដុសធ្មេញរបស់គាត់គឺមានពណ៌ស ចំណែកឯថ្នាំដុសធ្មេញគឺមានពណ៌បៃតងនិងលាយស ហើយច្រាសដុសធ្មេញរបស់គាត់គឺមានពណ៌ក្រហម។ អញ្ចឹងគាត់បានច្របាច់ថ្នាំដុសធ្មេញមួយចំនួន ដាក់ទៅលើច្រាសដុសធ្មេញរបស់គាត់ បាទ គាត់ច្របាច់[ច្រាសដុសធ្មេញ]ថ្នាំដុសធ្មេញ ទៅលើច្រាសដុសធ្មេញ ដើម្បី សម្រាប់ធ្វើការដុសធ្មេញគាត់ អញ្ចឹងគាត់ដុសធ្មេញជារៀងរាល់ព្រឹកតែម្ដង ព្រោះថាការដុសធ្មេញ គឺធ្វើឲ្យយើងបំបាត់ក្លិនមាត់។ អញ្ចឹងពេលដែលយើងក្រោកពីគេង គឺកម្ទេចកម្ទីកាកសំណល់ ដែលយើងញ៉ាំអាហារពីពេលល្ងាចនោះនៅតោងស្អិតជាប់ធ្មេញរបស់យើង ដូច្នេះវានឹងធ្វើឲ្យមានដង្កូវស៊ីធ្មេញ ឬក៏មានក្លិនមាត់ ប្រសិនបើយើងមិនបានដុសធ្មេញនោះទេ។

Getting Up (Sakanan) — 07


នៅក្នុងរូបភាពទី ៧ នៅក្នុងរូបភាពទី ៧ បន្ទាប់ពីនារីម្នាក់នោះ គាត់ច្របាច់ថ្នាំដុសធ្មេញដាក់លើច្រាសដុសធ្មេញរបស់គាត់ហើយ នារីម្នាក់នោះបានយកច្រាសដុសធ្មេញមកដុសធ្មេញរបស់គាត់ អញ្ចឹងគាត់ដុសធ្មេញ ដុសសម្អាតធ្មេញរបស់គាត់យ៉ាងយកចិត្តទុកដាក់ គឺ គឺធ្វើតាមក្បួនដុសធ្មេញ ដែលគាត់ធ្លាប់បានរៀន គឺការដុសពីលើចុះក្រោម ពីក្រោមឡើងលើ ពីឆ្វេងទៅស្ដាំ អញ្ចឹងគាត់ដុសម្ដងមួយៗ បានន័យថាធ្មេញរបស់គាត់ គាត់ដុសចុះឡើងៗ ហើយយើងឃើញថាថ្នាំដុសធ្មេញតែងតែមានពពុះ អញ្ចឹងនៅពេលដែលគាត់ដុស គឺមានពពុះចេញពីក្នុងមាត់គាត់យ៉ាងច្រើន ដូច្នេះពពុះនេះវាមិនមែនជាពពុះគ្រោះថ្នាក់នោះទេ គឺជាពពុះនៃថ្នាំដុសធ្មេញ ព្រោះថាថ្នាំដុសធ្មេញដែលយើងប្រើប្រាស់ គឺផ្សំពីសារធាតុជាច្រើន ដែលមានក្លិនប្រហើរ ឬក៏ការពារដង្កូវស៊ីធ្មេញ អញ្ចឹងវានឹងធ្វើ[...] ធ្វើការសម្អាតនូវកាកសំណល់ផ្សេងៗ ដែលនៅជាប់ធ្មេញនិងនៅក្នុងមាត់របស់យើង ដូច្នេះហើយ គាត់ដុសធ្មេញដើម្បីសម្អាត ហើយបំបាត់ក្លិនមាត់របស់គាត់ក្រោយពីក្រោកពីគេង បាទ។ អញ្ចឹងមិនត្រឹមតែដុសធ្មេញនោះទេ នារីម្នាក់នោះ គាត់ដុសអណ្ដាតគាត់ផងដែរ ដូច្នេះការដុសសម្អាតធ្មេញ មាត់ធ្មេញ គឺយើងត្រូវការដុសទាំងអណ្ដាត ទាំងធ្មេញ ដើម្បីកម្ចាត់ក្លិនមាត់និងកាកសំណល់ផ្សេងៗ។

Cold Season (Sakanan) — 05


ចូលដល់រូបភាពទី ៥ រូបភាពទី ៥ គឺក្មេងប្រុសម្នាក់នោះ គាត់ងូតទឹក បាទ ទឹក គាត់បើកទឹកផ្កាឈូករបស់គាត់ ហើយគាត់ឈរពីក្រោមទឹកផ្កាឈូកនោះ។ អញ្ចឹងយើងឃើញថា ទឹកផ្កាឈូកកំពុងតែបញ្ចេញទឹកទៅលើក្មេងប្រុសម្នាក់នោះ។ ហើយក្មេងប្រុសម្នាក់នោះ គាត់ងូតទឹកដោយរក្សាក្បួនអនាម័យរបស់គាត់ ដែលគាត់បានរៀនពីសាលាមក គឺយើងឃើញថា គាត់ងូតទឹកដោយបានកក់សក់និងដុសខ្លួនផងដែរ។ អញ្ចឹងជារៀងរាល់ពេលដែលយើងងូតទឹក យើងគួរតែដុសខ្លួននឹងសាប៊ូ ហើយក៏ដូចជាកក់សក់នឹងសាប៊ូកក់សក់ផងដែរ។ ព្រោះថាការធ្វើបែបនេះធ្វើឲ្យខ្លួនប្រាណរបស់យើងមានអនាម័យ និងអាចចៀសផុតពីមេរោគផ្សេងៗ ដែលតោងជាប់នឹងខ្លួនយើង ព្រោះថានៅពេលដែលយើងគេង រាងកាយរបស់យើងនឹងបញ្ចេញញើសផងដែរ។ អញ្ចឹងធ្វើឲ្យមានមេរោគឬក៏បាក់តេរីផ្សេងៗ ជាប់នឹងខ្លួនយើង ដូច្នេះនៅពេលដែលយើងងូតទឹក យើងត្រូវតែដុសខ្លួននិងកក់សក់នឹងសាប៊ូ។ ហើយការដុសខ្លួននឹងសាប៊ូក៏ធ្វើឲ្យរាងកាយរបស់យើងមានក្លិនក្រអូបផងដែរ។ ដែលធ្វើឲ្យយើងមានក្លិនក្រអូបនិងមិនមានក្លិនអាក្រក់នៅពេលដែលយើងដើរក្បែរអ្នកដទៃ ព្រោះថានៅពេលដែលយើងមានក្លិនស្អុយឬក៏មានក្លិនខ្លួននៅក្បែរអ្នកដទៃ អ្នកដទៃមិនចូលចិត្តយើងនោះទេ អញ្ចឹងយើងត្រូវងូតទឹកដោយដុសខ្លួននឹងសាប៊ូ។

Personal Hygiene (Sakanan) — 13


បន្ទាប់មកទៀតរូបភាពទី ១៣ នៅក្នុងរូបភាពទី ១៣ យើងឃើញថា បន្ទាប់ពីក្មេងប្រុសម្នាក់នោះ គាត់បានជូតខ្លួនគាត់ស្ងួតហើយ អញ្ចឹងគាត់រក្សាអនាម័យខ្លួនគាត់បានស្អាតល្អណាស់ ដោយគាត់បន្ទាប់ពីងូតទឹកហើយ គាត់ជូតខ្លួនគាត់យ៉ាងស្អាត បន្ទាប់មកទៀតគាត់ក៏បានលាបឡេការពារខ្លួន អញ្ចឹងជាទូទៅ យើងអត់សូវលាបឡេនោះទេ មនុស្សប្រុស ក៏ប៉ុន្តែមនុស្សស្រី គាត់ភាគច្រើន គាត់លាបឡេបន្ទាប់ពីងូតទឹកហើយ ដើម្បីថែរក្សាស្បែករបស់គាត់ឲ្យបានស្អាត និងមានសំណើមជានិច្ច ប៉ុន្តែក្មេងប្រុសម្នាក់នេះ គាត់ចង់ស្អាត អញ្ចឹងបានន័យថា គាត់ចង់ឲ្យខ្លួនគាត់ស្អាត និងមានអនាម័យ អញ្ចឹងបន្ទាប់ពីគាត់ងូតទឹកហើយ គាត់ក៏បានលាបឡេទៅលើខ្លួនរបស់គាត់ទៀត អញ្ចឹងភាគច្រើនឡេគឺជាជែលមួយ ឬក៏ជាម្សៅប្រភេទទឹក ដែលមានសភាពខាប់បន្តិច អញ្ចឹងគាត់យកមកលាបលើខ្លួនគាត់ ដើម្បីឲ្យសព្វខ្លួនគាត់ ហើយមានក្លិនក្រអូប អញ្ចឹងឡេពេលខ្លះគឺមានក្លិនក្រអូប និងជាម្សៅខាប់ ដែលមានរាងជាភក់ៗ ហើយយើងអាចយកមកលាបលើខ្លួនប្រាណរបស់យើងបាន ដើម្បីការពារសំណើមនៅលើស្បែក ការពារស្បែករបស់យើងឲ្យស្អាត និងកុំឲ្យខ្មៅ ជាក់ស្ដែងក្មេងប្រុសម្នាក់នេះ គឺគាត់លាបឡេរបស់គាត់ មុនពេលដែលគាត់ស្លៀកពាក់ខោអាវ ឬក៏ក្រោយពេលដែលគាត់ងូតទឹករួច អញ្ចឹងក្រោយពេលដែលគាត់ងូតទឹករួច គាត់ជូតខ្លួនរបស់គាត់ ហើយគាត់លាបឡេទៅលើស្បែករបស់គាត់ ដើម្បីឲ្យស្បែករបស់គាត់មានសំណើមនិងស្អាតជានិច្ច។

Grilled Fish (Sakanan) — 13


បន្ទាប់មកទៀតរូបភាពទី ១៣ រូបភាពទី ១៣ បន្ទាប់ពីពួកគេរៀបចំចានម្ហូប និងចានទឹកជ្រលក់រួចរាល់ហើយ ពួកគេក៏បានអង្គុយទល់មុខគ្នា អញ្ចឹងយើងឃើញពួកគេកំពុងតែអង្គុយទល់មុខគ្នា ដោយស្ត្រីដែលជាមិត្តស្រីនោះ គាត់អង្គុយលុតជង្គង់ ឬក៏អង្គុយបត់ជើង ដោយដៃទាំងពីរគឺដាក់នៅលើភ្លៅ ចំណែកឯបុរសដែលមានវ័យ ២៣ ឆ្នាំនោះ គាត់អង្គុយពែនភ្នែន អញ្ចឹងជាធម្មតា មនុស្សស្រីគឺគាត់តែងតែអង្គុយលុតជង្គង់ឬក៏អង្គុយបត់ជើង ចំណែកឯមនុស្សប្រុស គាត់ចូលចិត្តអង្គុយពែនភ្នែន ហើយនៅចំខាងមុខរបស់ពួកគេ ឬក៏នៅកណ្ដាលពួកគេ គឺមានត្រីចំនួនមួយ ដែលកំពុងតែហុយ និងមានក្លិនឈ្ងុយ ហើយមានចានបន្លែពីរចានផងដែរដែលនៅក្បែរនោះ អញ្ចឹងពួកគេក៏ញ៉ាំត្រីជាមួយនឹងបន្លែ ផ្ទាប់ជាមួយនឹងបន្លែ ដោយយើងឃើញគាត់ទាំងពីរនាក់ គឺអង្គុយនៅលើកម្រាល ហើយមានកញ្ចប់ម្ហូបនៅក្បែរខ្លួនរបស់ពួកគេផងដែរ។ អញ្ចឹងជាទូទៅ គឺនៅកម្ពុជា គឺយើងភាគច្រើនគឺយើងញ៉ាំបាយដោយប្រើប្រាស់កន្ទេល គឺយើងអត់ប្រើប្រាស់តុទេ អញ្ចឹងពេលខ្លះ អ្នកខ្លះ ក្រុមគ្រួសារខ្លះ គាត់ញ៉ាំបាយនៅលើតុ បានន័យថាគាត់រៀបចំតុ ហើយគាត់ដាក់បាយនៅលើតុ រួចក៏អង្គុយលើកៅអីដើម្បីញ៉ាំ ប៉ុន្តែភាគច្រើន ភាគច្រើននៅកម្ពុជា គឺយើងអត់ប្រើប្រាស់តុទេ បានន័យថាយើងអត់ប្រើប្រាស់តុទេ គឺយើងក្រាលកន្ទេល ឬក៏ការក្រាលកម្រាល អញ្ចឹងយើងក្រាលកន្ទេលនៅលើឥដ្ឋ ឬក៏នៅលើរនាបផ្ទះរបស់យើង បន្ទាប់មកយើងញ៉ាំបាយនៅលើកន្ទេល អញ្ចឹងវាជាវប្បធម៌មួយរបស់កម្ពុជា គឺយើងញ៉ាំបាយនៅលើកន្ទេល។

Doing The Dishes (Sakanan) — 10


បន្ទាប់មកទៀតរូបភាពទី ១០ នៅក្នុងរូបភាពទី ១០ យើងឃើញថា បន្ទាប់ពីក្មេងប្រុសម្នាក់នោះ គាត់បានលាងសម្អាតចានគោមពណ៌ក្រហមនោះស្អាតរួចរាល់ហើយ អញ្ចឹងគាត់ដុសអស់ជាតិខ្លាញ់និងស្នាមប្រឡាក់នានា ដែលជាប់នៅលើចានរួចរាល់ហើយ គាត់ក៏បានយកចានគោមនោះមកជ្រលក់នឹងទឹកស្អាត អញ្ចឹងទឹកដែលនៅចានដែក ឬក៏កន្ធន់ពណ៌លឿង គឺអត់មានដាក់ទឹកសាប៊ូនោះទេ ដោយទឹកនោះគឺជាទឹកសម្រាប់ជម្រះចាន អញ្ចឹងនៅពេលដែលគាត់លាងនឹងទឹកសាប៊ូរួចរាល់ហើយ ដុសចាននឹងទឹកសាប៊ូរួចរាល់ហើយ គាត់ក៏បានយកចានគោមដែលគាត់លាងរួចរាល់នោះមកជម្រះនឹងទឹកស្អាត ដែលនៅចានដែកពណ៌លឿង អញ្ចឹងគាត់បានយកចានគាត់ជ្រលក់ចូលទៅក្នុងចានដែកពណ៌លឿង រួចហើយក៏គាត់ដុសសម្អាតម្ដងទៀត អញ្ចឹងប្រសិនបើយើងអត់ដុសសម្អាតម្ដងទៀតទេ ប្រសិនបើយើងគ្រាន់តែជ្រលក់វាចូលទៅក្នុងទឹក គឺវាអត់ស្អាតជាតិសាប៊ូទេ អញ្ចឹងសាប៊ូនឹងកាន់ជាប់នៅនឹងចាន ដែលធ្វើឲ្យវាមានធុំក្លិនសាប៊ូ និងយើងអត់អាចយកទៅដួសអាហារញ៉ាំបានទេ ដោយសារប្រសិនបើមានជាតិសាប៊ូនៅក្នុងចាន ហើយយើងញ៉ាំអាហារដែលនៅក្នុងចានដែលមានជាតិសាប៊ូ គឺវាធ្វើឲ្យយើងឈឺបាន គឺវាធ្វើឲ្យយើងខូចសុខភាព ដោយសារតែសាប៊ូគឺអាចធ្វើឲ្យប៉ះពាល់ដល់សុខភាពយើង ប្រសិនបើយើងលាងអត់ស្អាត អញ្ចឹងនៅពេលដែលយើងជម្រះចាន យើងត្រូវតែដុសវាឲ្យបានស្អាតម្ដងទៀត ដើម្បីឲ្យចាននោះអស់ជាតិសាប៊ូនិងអស់ក្លិនសាប៊ូចេញ ហើយអាចយកទៅប្រើប្រាស់ម្ដងទៀតបាន។

Tuk Tuk (Sakanan) — 08


ចូលមកដល់រូបភាពទី ៨ នៅក្នុងរូបភាពទី ៨ យើងឃើញថាពួកគេទាំងបីនាក់ បានដើរមករករ៉ឺម៉កកង់បីនោះ ដោយពេលនោះ គេបានចូលទៅកៀកនៅនឹងរ៉ឺម៉កកង់បី ដោយយើងឃើញរ៉ឺម៉កកង់បីនោះ គឺមានពណ៌ផ្កាឈូក ហើយកង់រ៉ឺម៉កគឺមានពណ៌ខ្មៅ រ៉ឺម៉កនោះគឺមានកង់ចំនួនបី ដែលកង់នៅខាងក្រោយចំនួនពីរ ឯកង់នៅខាងមុខចំនួនមួយ ហើយកង់នៅខាងមុខ[គឺ]ជាចង្កូត អញ្ចឹងបានន័យថានៅពេលដែលត្រូវការបត់ គឺយើងកាច់ចង្កូត ដែលចង្កូតបញ្ជាកង់នៅខាងមុខចំនួនមួយនោះផងដែរ។ ដោយរ៉ឺម៉កនេះ គឺមានចង្កៀងចំនួនពីរ សម្រាប់បំភ្លឺផ្លូវ អញ្ចឹងបានន័យថាចង្កៀងរ៉ឺម៉កនេះ គឺមានចំនួនពីរ ដែល ចំនួនពីរ ហើយមានចង្កៀងបំភ្លឺផ្លូវចំនួនមួយ អញ្ចឹងបានន័យថាភ្លើងស៊ីញ៉ូ ឬក៏ចង្កៀងស៊ីញ៉ូចំនួនពីរ ភ្លើងបំភ្លឺផ្លូវចំនួនមួយ អញ្ចឹងនៅពេលដែលគាត់ត្រូវការបត់ឆ្វេងឬក៏បត់ស្ដាំ គាត់អាចប្រើប្រាស់ភ្លើងស៊ីញ៉ូដូចជាម៉ូតូ ដូចជាឡានដែរ អញ្ចឹងរ៉ឺម៉ករបស់គាត់ គឺមានខាងមុខ គឺមានចង្កៀងស៊ីញ៉ូចំនួនពីរ និងចង្កៀងបំភ្លឺផ្លូវចំនួនមួយ ចំណែកខាងក្រោយក៏មានអំពូល និងមានចង្កៀងដូចគ្នា ពួកគេបានដើរមកដល់រ៉ឺម៉កនោះ ហើយក៏បាននិយាយទៅកាន់បុរស ដែលជាម្ចាស់រ៉ឺម៉ក ដែលកំពុងតែជក់បារី យើងឃើញនៅក្នុងរូបភាពនេះ ពួកគេមិនចូលទៅជិតម្ចាស់រ៉ឺម៉កនោះទេ ព្រោះម្ចាស់រ៉ឺម៉កគាត់ជក់បារី ដូច្នេះផ្សែងបារីគឺមានក្លិនមិនល្អ ហើយអ្នកជក់បារីតែងតែមានក្លិនមិនល្អដែរ បានន័យថាគាត់មានធុំក្លិនស្អុយមាត់ ឬក៏គាត់មានធុំក្លិនស្អុយផ្សែងបារី ហើយផ្សែងបារីធ្វើឲ្យយើងមានគ្រោះថ្នាក់ ព្រោះថានៅពេលដែលយើងជក់បារី ផ្សែងបារីធ្វើឲ្យខូចសួតរបស់យើង ឬក៏ឲ្យយើងមានបញ្ហាផ្លូវដង្ហើមជាដើម អញ្ចឹងហើយជាទូទៅប្រជាជន មនុស្ស ភាគច្រើនមិនចូលចិត្តអ្នកជក់បារីនោះទេ។

Fruits (Sakanan) — 10 Jackfruit


បន្ទាប់មកទៀតរូបភាពទី ១០ ដដែល យើងឃើញមានផ្លែខ្នុរ ផ្លែខ្នុរគឺមានរូបរាងស្រដៀងនឹងផ្លែទុរេន គ្រាន់តែថាបន្លារបស់វាច្រើនជាងផ្លែទុរេន ហើយបន្លារបស់វាអត់មុតដូចបន្លាទុរេននោះទេ គឺសំបករបស់វាគឺទន់ៗតិចៗ អញ្ចឹងយើងអាចចាប់កាន់សំបកខ្នុរបាន ក៏ប៉ុន្តែយើងអត់អាចចាប់កាន់សំបកទុរេនបានទេ គឺវាធ្វើឲ្យយើងមុតដៃ អញ្ចឹងខ្នុរគឺ ដើម្បីយើងញ៉ាំបាន គឺយើងត្រូវតែបកសំបកវាដូចជាសំបកទុរេនដែរ ហើយសំបកខ្នុរគឺមានលក្ខណៈទន់ជាងសំបកទុរេន ហើយផ្លែខ្នុរ គឺយើង ពេលខ្ចីយើងអាចយកផ្លែវាមកធ្វើជាសម្លបាន គឺយើងអាចស្លបាន ស្លកកូរ ឬក៏ស្លសម្លផ្សេងៗបាន នៅក្នុងប្រទេសកម្ពុជាគឺយើងចូលចិត្តយកផ្លែខ្នុរមកស្លកកូរនៅពេលដែលវាខ្ចី ចំណែកឯពេលវាទុំ គឺសាច់របស់វាឡើងពណ៌លឿង អញ្ចឹងវាមានរសជាតិផ្អែម ហើយមានក្លិនក្រអូប ដូច្នេះយើងញ៉ាំ អាចញ៉ាំសាច់ខ្នុរបាន ចំណែកឯគ្រាប់របស់វាឆៅ គឺយើងញ៉ាំអត់កើតទេ គឺយើងអត់អាចញ៉ាំគ្រាប់ខ្នុរឆៅទេ គឺយើងអាចយកទៅស្ងោរឲ្យឆ្អិន អញ្ចឹងភាគច្រើននៅក្នុងប្រទេសកម្ពុជា យើងតែងតែស្ងោរគ្រាប់ខ្នុរដើម្បីញ៉ាំ បន្ទាប់ពីយើងញ៉ាំសាច់រួច តែគ្រាប់ខ្នុរជាទូទៅមានរសជាតិសាប អញ្ចឹងនៅពេលដែលយើងស្ងោរ គឺយើងត្រូវដាក់ថែមអំបិលបន្តិចដើម្បីវាមានរសជាតិប្រៃ អញ្ចឹងយើងអាចញ៉ាំសាច់ខ្នុរបានផង យើងអាចញ៉ាំគ្រាប់បានផងនៅពេលដែលវាឆ្អិន ហើយខ្នុរគឺមានក្លិនក្រអូប និងមានសំបកមានបន្លាទន់ៗ ដែលយើងអាចចាប់កាន់បាន ដូច្នេះទាំងអស់នេះគឺសុទ្ធតែជាផ្លែឈើដែលមាននៅក្នុងប្រទេសកម្ពុជា ហើយផ្លែឈើទាំងអស់នេះគឺសុទ្ធតែជាផ្លែឈើដែលអាចជំនួយសុខភាពរបស់យើង អត់មានរាងកាយរឹងមាំបាន ដូច្នេះយើងត្រូវតែឧស្សាហ៍ញ៉ាំផ្លែឈើ ដើម្បីឲ្យមានសុខភាពល្អទាំងអស់គ្នា។

Grilled Fish (Sakanan) — 15


បន្ទាប់មកទៀតរូបភាពទី ១៥ នៅក្នុងរូបភាពទី ១៥ យើងឃើញថា បន្ទាប់ពីពួកគាត់រៀបចំរួចរាល់អស់ហើយ អញ្ចឹងគាត់រៀបចំរួចរាល់ទាំង រៀបចំបាយ រៀបចំម្ហូប ក៏ដូចជារៀបចំទឹកជ្រលក់និងបន្លែសម្រាប់ផ្ទាប់ ឬក៏យើងហៅថាអន្លក់រួចរាល់ហើយ អញ្ចឹងគាត់ក៏ចាប់ផ្ដើមការញ៉ាំអាហារពេលល្ងាចរបស់គាត់តែម្ដង ដោយយើងឃើញនៅក្នុងរូបភាពទី ១៥ នេះ គាត់បានយកសមនិងស្លាបព្រាមកចាប់សាច់ត្រីញ៉ាំ អញ្ចឹងគាត់យកសមមកឆ្កឹះសាច់ត្រី រួចហើយយកសាច់ត្រីនោះមកដាក់លើស្លាបព្រា អញ្ចឹងគាត់យកសមដើម្បីចាក់សាច់ត្រី បេះសាច់ត្រី ដើម្បីយកមកដាក់លើស្លាបព្រាដើម្បីញ៉ាំ អញ្ចឹងជាទូទៅគឺត្រីគឺមានឆ្អឹងតូចៗ ដូច្នេះយើងញ៉ាំគឺត្រូវតែប្រុងប្រយ័ត្នបន្តិចជាមួយនឹងឆ្អឹង ព្រោះថាឆ្អឹងរបស់វាអាចនឹងមុត ឆ្អឹងវាគឺមុត ដូច្នេះប្រសិនបើយើងអត់ប្រយ័ត្នទេ យើងអាចស្លាក់ឆ្អឹងបាន អញ្ចឹងយើងអាចស្លាក់ឆ្អឹងនៅក្នុងបំពង់ក ឬក៏ឆ្អឹងអាចមុតអណ្ដាត ឬក៏មុតអញ្ចាញធ្មេញរបស់យើងនៅពេលដែលយើងញ៉ាំមិនបានប្រុងប្រយ័ត្ន ដោយសារតែឆ្អឹងរបស់វាតូចៗ ដូច្នេះមុនពេលដែលយើងញ៉ាំត្រីគឺយើងត្រូវបេះឆ្អឹងវាចេញសិន ឬក៏យើងញ៉ាំតែសាច់វាទេ គឺយើងអត់ត្រូវទំពាទាំងឆ្អឹងនោះទេ ដោយសារតែយើងអាចនឹងមុត ឬក៏អាចយើងឲ្យស្លាក់បាន។ អញ្ចឹងយើងមើលរូបភាពទី ១៥ នេះ គឺគាត់អត់ញ៉ាំទាំងឆ្អឹងទេ បានន័យថាគាត់យកសមមកកោសយកសាច់ត្រីចេញពីឆ្អឹងរបស់ត្រី ហើយគាត់យកសមនោះ ដែលជាប់សាច់ត្រី យកមកដាក់នៅលើស្លាបព្រា អញ្ចឹងដើម្បីញ៉ាំជាមួយនឹងស្លាបព្រា អញ្ចឹងជាទូទៅកម្ពុជា ឬក៏ប្រជាជនខ្មែរ គឺគាត់ញ៉ាំបាយនឹងស្លាបព្រាជាមួយនឹងសម គឺយើងអត់ចូលចិត្តប្រើចង្កឹះនោះទេ ដែលយើងឃើញត្រីអាំងនៅក្នុងនេះគឺមានក្លិនឈ្ងុយ គឺមានក្លិនឈ្ងុយ ដោយមានផ្សែងហុយចេញពីចាន ដែលវានៅក្ដៅៗផងដែរ ដោយសារតែគាត់ទិញគឺត្រីដែលទើបនឹងអាំង។

Tuk Tuk (Sakanan) — 07


ចូលមកដល់រូបភាពទី ៧ នៅក្នុងរូបភាពទី ៧ យើងឃើញថា បន្តិចក្រោយមក ពួកគេបានដើរមកដល់កន្លែងរ៉ឺម៉កមួយ ដែលជាទូទៅ ជនបរទេស គេហៅថាទុកទុក ប៉ុន្តែក្នុងភាសាខ្មែរយើងហៅថារ៉ឺម៉ក អញ្ចឹងរ៉ឺម៉កគឺមានច្រើន មានរ៉ឺម៉កកង់បួន និងរ៉ឺម៉កកង់បីផងដែរ ដូច្នេះនៅក្នុងរូបភាពនេះ យើងឃើញថា ពួកគេបានសម្លឹងទៅមើលរ៉ឺម៉កកង់បីចំនួនមួយ ដែលរ៉ឺម៉កនោះគឺមានពណ៌ផ្កាឈូក បាទ រ៉ឺម៉កគឺមានពណ៌ផ្កាឈូក ហើយមានដំបូល អញ្ចឹងរ៉ឺម៉កគឺមានដំបូលផងដែរ គឺស្រដៀងទៅនឹងឡាន ក៏ប៉ុន្តែវាអត់មានកញ្ចក់ និងអត់មានម៉ាស៊ីនត្រជាក់នោះទេ ប្រសិនបើឡាន ឬក៏តាក់ស៊ីគឺមានកញ្ចក់សម្រាប់បិទ និងមានម៉ាស៊ីនត្រជាក់ ប៉ុន្តែសម្រាប់រ៉ឺម៉កគឺអត់មានម៉ាស៊ីនត្រជាក់នោះទេ គឺវាគ្រាន់តែមានដំបូល ដើម្បីបាំងកុំឲ្យយើងក្ដៅនៅពេលដែលជិះហាលថ្ងៃតែប៉ុណ្ណោះ ប៉ុន្តែពេលនេះគឺជាពេលយប់ យើងឃើញថារាល់ក្លឹបរាត្រី ឬក៏ហាងស្រាបៀរជាច្រើន គឺគេតែងតែបើកនៅពេលយប់ អញ្ចឹងហើយបន្ទាប់ពីគាត់បញ្ចប់ការផឹកស៊ី បានន័យថាជាពេលយប់ អញ្ចឹងគាត់ដើរមកដល់ឃើញរ៉ឺម៉កមួយ គាត់ ពួកគាត់មានបំណងចង់ជិះរ៉ឺម៉កនោះទៅផ្ទះ ដោយយើងឃើញម្ចាស់រ៉ឺម៉កកំពុងតែអង្គុយជក់បារីនៅក្នុងរ៉ឺម៉ក អញ្ចឹងបានន័យថាម្ចាស់រ៉ឺម៉ក គាត់កំពុងតែអង្គុយនៅខាងក្រោយ ហើយគាត់អង្គុយដោយយកជើងមួយជាន់លើកង់ ជើងមួយទៀតសំយុងចុះក្រោម ដោយគាត់យកដៃទាំងពីរដាក់លើជង្គង់ ហើយអង្គុយជក់បារី ដែលយើងឃើញថាជក់បារី គឺបណ្ដាលឲ្យប៉ះពាល់ដល់សុខភាព និងមានក្លិនមិនល្អនោះទេ ព្រោះថាផ្សែងបារីគឺមានធុំក្លិនស្អុយ ដូច្នេះហើយវាមិនល្អនោះទេសម្រាប់ការជក់បារី ហើយនៅក្នុងរូបភាពទី ៦ នេះ ៧ នេះ គឺនៅខាងក្រោយរ៉ឺម៉កនោះ យើងឃើញមានកន្លែងលក់អាហារមួយកន្លែង ដូចជាមីឆា បានន័យថា ទោះបីជាពេលយប់ក៏ដោយ នៅពេលដែលយើងនៅតាមផ្លូវ គឺមានកន្លែងលក់មីឆាជាច្រើន នៅក្នុងប្រទេសកម្ពុជា ទោះបីជាយប់ ស្មើណាក៏ដោយ ទោះបីជាយប់ជ្រៅ ពាក់កណ្ដាលអធ្រាត្រ ក៏យើងអាចរកអាហារញ៉ាំបានដែរនៅតាមផ្លូវ ព្រោះថានៅប្រទេសកម្ពុជា អាហារនៅតាមផ្លូវ គឺគេលក់ ២៤ ម៉ោង បានន័យថាគេបើកជាប់ជានិច្ចរហូតតែម្ដង អញ្ចឹងជាក់ស្ដែងនៅក្នុងរូបភាពនេះ យើងឃើញថា ទោះបីជាពួកគេចេញពីក្លឹបនៅក្នុងពេលយប់ជ្រៅក៏ដោយ ក៏យើងឃើញថាមានរទេះអាហារ ឬក៏រទេះមីឆា ឬក៏រទេះបបរ កំពុងតែលក់នៅតាមផ្លូវផងដែរ ដោយគាត់មិនទាន់បិទតូបនោះទេ។

Rice (Sakanan) — 10


បន្ទាប់មកទៀតរូបភាពទី ១០ នៅក្នុងរូបភាពទី ១០ យើងឃើញ បន្ទាប់ពីកសិករ គាត់ប្រមូលផលស្រូវ ឬក៏គាត់ប្រឡេះគ្រាប់ស្រូវ បោកស្រូវចេញពីដើមស្រូវរួចរាល់ហើយ គាត់យកគ្រាប់ស្រូវនោះមកហាល អញ្ចឹងជាទូទៅគឺគ្រាប់ស្រូវ នៅពេលដែលយើងប្រមូលផលរួច គឺមានលក្ខណៈសើមៗបន្តិច អញ្ចឹងដើម្បីឲ្យវាស្ងួតល្អ ដើម្បីឲ្យគ្រាប់ស្រូវនោះស្ងួតល្អ គឺយើងត្រូវយកវាមកហាលក្រោមពន្លឺព្រះអាទិត្យ ដែលរូបភាពទី ១០ នេះ យើងឃើញមានផ្ទះមួយខ្នងពណ៌ប្រផេះ ហើយផ្ទះនោះគឺជាផ្ទះរបៀបដែល[អ្នក]នៅស្រុកស្រែ គឺគាត់ធ្វើផ្ទះខ្ពស់ផុតពីដី ដែលមានជើងសសរផងដែរ អញ្ចឹងនៅក្នុងផ្ទះនេះ យើងឃើញមានជើងសសរបួន ហើយមានកាំជណ្ដើរមួយដើម្បីឡើងទៅលើផ្ទះ អញ្ចឹងនៅខាងមុខផ្ទះគឺមានរានហាល ដោយឡើងពីកាំជណ្ដើរទៅ យើងឡើងទៅដល់រានហាល បន្ទាប់មកគឺយើងឃើញផ្ទះមានបង្អួច និងមានដំបូលមួយផងដែរ អញ្ចឹងផ្ទះនេះគឺជាផ្ទះរបៀបស្រុកស្រែ ដែលគេធ្វើខ្ពស់ផុតពីដី ដែលនៅក្បែរផ្ទះនោះគឺយើងឃើញមានពាងមួយ ពាងសម្រាប់ដាក់ទឹក អញ្ចឹងជាទូទៅនៅស្រុកស្រែចំការ គឺអត់មានទឹកម៉ាស៊ីននោះទេ ដូច្នេះហើយគឺកសិករ គាត់ប្រើប្រាស់ពាង ដើម្បីត្រងទឹកភ្លៀង អញ្ចឹងនៅពេលដែលមានភ្លៀងមក គឺកសិករត្រងទឹកភ្លៀងដាក់ចូលក្នុងពាងដើម្បីទុកប្រើប្រាស់ ហើយយើងឃើញនៅខាងក្រោយផ្ទះគឺមានភ្នំមួយ អញ្ចឹងភ្នំមួយនោះ គឺនៅជិតផ្ទះរបស់គាត់ ហើយមានដើមឈើជាច្រើនផងដែរ ដែលយើងឃើញដើមខ្លះ គឺជាដើមត្នោត ហើយដើមឈើផ្សេងៗទៀតជាច្រើនដែលដុះនៅក្បែរៗផ្ទះរបស់គាត់ ដោយយើងឃើញនៅខាងមុខផ្ទះគឺមានកន្ទេលមួយ ឬក៏តង់កៅស៊ូមួយពណ៌ខៀវ ហើយនៅលើតង់កៅស៊ូ ឬក៏នៅលើកន្ទេលពណ៌ខៀវនោះ គឺមានគ្រាប់ស្រូវពណ៌មាសជាច្រើន អញ្ចឹងគ្រាប់ស្រូវទុំគឺមានពណ៌មាស ឬក៏ពណ៌លឿង ហើយមានក្លិនក្រអូបផងដែរ គឺ អាចនៅពេលដែលយើងដើរក្បែរស្រូវទុំ គឺយើងមានក្រអូប ឬក៏ប្រហើរស្រូវទុំផងដែរ ការហាលស្រូវគឺយើងហាលនៅក្រោមពន្លឺព្រះអាទិត្យ អញ្ចឹងយើងឃើញព្រះអាទិត្យកំពុងតែរះ និងបញ្ចេញពន្លឺ និងបញ្ចេញកម្ដៅមកលើគ្រាប់ស្រូវដើម្បីឲ្យស្ងួត ដូច្នេះគ្រាប់ស្រូវដែលយើងទើបតែប្រមូលផលបានភ្លាមៗ គឺមានសភាពសើមៗ ដូច្នេះហើយគឺយើងអត់អាចយកមកប្រើប្រាស់បានទេ អញ្ចឹងយើងត្រូវធ្វើយ៉ាងណាឲ្យគ្រាប់ស្រូវស្ងួតជាមុនសិន មុននឹងយើងយកមកបោកឬក៏យកមកកិន ដើម្បីចេញជាអង្ករ អញ្ចឹងនៅក្នុងរូបភាពទី ១០ គឺយើងឃើញកសិករ គាត់កំពុងតែហាលស្រូវរបស់គាត់នៅក្រោមពន្លឺព្រះអាទិត្យ ដើម្បីឲ្យស្រូវរបស់គាត់ស្ងួត។

Going To Bed (Sakanan) — 05


បន្ទាប់មកទៀតរូបភាពទី ៥ នៅក្នុងរូបភាពទី ៥ យើងឃើញថា បន្ទាប់ពីគាត់ដាក់ថ្នាំដុសធ្មេញទៅលើច្រាសដុសធ្មេញរបស់គាត់ហើយ ក្មេងប្រុសម្នាក់នោះ គាត់ក៏បានយកច្រាសដុសធ្មេញនោះមកដាក់ចូលក្នុងមាត់ ដើម្បីដុសសម្អាតធ្មេញរបស់គាត់។ អញ្ចឹងជាទូទៅ គឺយើងធ្វើការដុសសម្អាតធ្មេញមួយថ្ងៃបីដង ឬក៏ក្រោយពេលដែលយើងញ៉ាំអាហាររួច ដែលយើងជាទូទៅយើងដុសធ្មេញនៅពេលព្រឹក ក្រោយពីយើងក្រោកពីគេង។ អញ្ចឹងបន្ទាប់ពីយើងក្រោកពីគេង យើងត្រូវដុសធ្មេញម្ដង នៅពេលដែលយើងញ៉ាំអាហារថ្ងៃត្រង់រួច យើងត្រូវដុសធ្មេញម្ដង និងនៅពេលដែលយើងមុនចូលគេង មុនពេលដែលយើងចូលគេង យើងត្រូវដុសធ្មេញម្ដងទៀត ដើម្បីឲ្យប្រាកដថាធ្មេញរបស់យើងស្អាត និងមិនមានកាកសំណល់ជាប់នឹងធ្មេញនោះទេ ព្រោះប្រសិនបើមានកាកសំណល់ជាប់នៅធ្មេញ វាធ្វើ[អាចឲ្យ]អាចធ្វើឲ្យធ្មេញពុក ឬក៏មានដង្កូវស៊ីធ្មេញ អញ្ចឹងអាចធ្វើឲ្យធ្មេញយើងខូច ឬក៏យើងឈឺធ្មេញបាន។ ដូច្នេះយើងត្រូវដុសសម្អាតធ្មេញរបស់យើងឲ្យបានស្អាត ហើយយើងត្រូវដុសសម្អាតអណ្ដាតផងដែរ ព្រោះពេលខ្លះគឺបាក់តេរី ឬក៏មេរោគ វានៅតោងជាប់នឹងអណ្ដាត ដូច្នេះយើងត្រូវដុសសម្អាតអណ្ដាត ជាមួយនឹងធ្មេញយើងឲ្យបានស្អាត មុននឹងយើងចូលគេង។ ដែលជាក់ស្ដែងយើងឃើញក្មេងប្រុសម្នាក់នេះ គាត់កំពុងតែយកច្រាសដុសធ្មេញ ដែលមានថ្នាំដុសធ្មេញ ដុសទៅលើធ្មេញរបស់គាត់ ដោយគាត់យកច្រាសដុសធ្មេញនោះ ដាក់ចូលក្នុងមាត់ ហើយដុសចុះឡើងៗ ពីលើចុះក្រោម ពីក្រោមឡើងលើ ហើយពីឆ្វេងទៅស្ដាំ និងពីស្ដាំទៅឆ្វេងផងដែរ ដោយគាត់ដុសធ្មេញរបស់គាត់យ៉ាងយកចិត្តទុកដាក់ ដើម្បីឲ្យប្រាកដថា ធ្មេញរបស់គាត់គឺស្អាត មិនមានជាប់កាកសំណល់នោះទេ។ អញ្ចឹងយើងឃើញមានពពុះថ្នាំដុសធ្មេញជាច្រើនចេញពីមាត់របស់គាត់ ដោយយើងឃើញពពុះ ពពុះនោះគឺពពុះថ្នាំដុសធ្មេញ ព្រោះនៅពេលដែលយើងដាក់ថ្នាំដុសធ្មេញនៅលើច្រាស ហើយយើងយកមកដុសធ្មេញ គឺវានឹងមានពពុះចេញមក ហើយយើងអត់ត្រូវញ៉ាំពពុះនោះទេ ដោយសារតែពពុះនោះ គឺអាចធ្វើឲ្យយើងឈឺបាន អញ្ចឹងនៅពេលដែលយើងដុសហើយ គឺយើងត្រូវខ្ជាក់ពពុះនោះចោល ហើយប្រើប្រាស់ទឹកដើម្បីខ្ពុរមាត់ អញ្ចឹងយើងយកទឹកមកខ្ពុរមាត់ ដើម្បីខ្ពុរពពុះនោះចេញឲ្យអស់ ហើយឲ្យអស់ជាមួយនឹងកាកសំណល់ អញ្ចឹងយើងខ្ជាក់កាកសំណល់ជាមួយនឹងពពុះនោះចោល ព្រោះពពុះនោះគឺអត់ស្អាតនោះទេ នៅពេលដែលយើងដុសធ្មេញហើយ។ អញ្ចឹងក្មេងប្រុសម្នាក់នោះ គាត់កំពុងតែព្យាយាមដុសសម្អាតធ្មេញរបស់គាត់ឲ្យបានស្អាតមុននឹងចូលគេង ព្រោះគាត់ខ្លាចដង្កូវស៊ីធ្មេញ ឬក៏គាត់ខ្លាចមានក្លិនមាត់មិនល្អ នៅពេលដែលយើងភ្លេចដុសធ្មេញ វាអាចធ្វើឲ្យយើងមានក្លិនមិនល្អនៅក្នុងមាត់ ហើយម្យ៉ាងវិញទៀតធ្វើឲ្យធ្មេញយើងពុកនិងឆាប់បាក់ ដូច្នេះគាត់ត្រូវដុសធ្មេញគាត់ឲ្យបានស្អាត។

Fried Rice (Sakanan) — 07


បន្ទាប់មកទៀតរូបភាពទី [១]៧ រូបភាពទី [១]៧ យើងឃើញអ្នកលក់ គាត់ក៏ចាប់ផ្ដើមទៅយកខ្ទះចម្អិនបាយឆា ដែលនៅក្នុងរូបភាពនេះ យើងឃើញអ្នកលក់គាត់បានឆួលភ្លើង គាត់បានគូសឈើគូស ដែលមានភ្លើង ហើយគាត់យកភ្លើងនោះទៅឆួលនឹងចង្ក្រានហ្គាសរបស់គាត់ អញ្ចឹងជាទូទៅនៅតាមតូប ឬក៏តាមហាងនានា គឺគេនៅពេលដែលគេចម្អិនម្ហូប គឺគេប្រើភ្លើងហ្គាស ដែលជាឧស្ម័ន អញ្ចឹងហ្គាសគឺជាឧស្ម័នដែលអាចដុតឆេះ ដោយពេលខ្លះ យើងអាចគ្រាន់តែប្រើប្រាស់ឈើគូសបន្តិច ដើម្បីដាក់ទៅជិតហ្គាស គឺវាអាចធ្វើឲ្យឆេះបានភ្លាមៗ ដែលជាក់ស្ដែងនៅក្នុងរូបភាពនេះ គឺគាត់យកឈើគូសមួយដើមទៅឆួលទៅនឹងភ្លើងហ្គាស ឬក៏ទៅឆួលនឹងផ្សែងហ្គាស ដែលចេញមកពីចង្ក្រាន ដូច្នេះធ្វើឲ្យមានភ្លើងចេញពីចង្ក្រាន អញ្ចឹងគាត់បានដាក់ឆ្នាំងខ្ទះទៅលើភ្លើងចង្ក្រាននោះ ដើម្បីឲ្យឆ្នាំងហ្គាស[...]ក្ដៅ អញ្ចឹងគាត់ចាប់ផ្ដើមឆាបាយឲ្យអតិថិជនរបស់គាត់ ដោយគាត់ដាក់ឆ្នាំងខ្ទះទៅលើភ្លើង ដើម្បីឲ្យក្ដៅ បន្ទាប់មកទៀតគាត់ក៏បានដាក់ប្រេងឆាចូលទៅក្នុងខ្ទះ អញ្ចឹងជាទូទៅនៅពេលដែលយើងឆាបាយ ឬក៏ចៀនសាច់ យើងត្រូវប្រើប្រេងឆា ឬក៏ខ្លាញ់ ព្រោះប្រសិនបើយើងអត់ប្រើប្រេងឆា ឬក៏ខ្លាញ់ទេ វាអាចធ្វើឲ្យខ្លោចឆ្នាំងបាន អញ្ចឹងឆ្នាំងខ្លោចគឺបានន័យថាឆ្នាំងនោះឡើងពណ៌ខ្មៅ ហើយធុំក្លិនឈ្ងៀម អញ្ចឹងយើងអត់អាចធ្វើម្ហូបបានទេ ដូច្នេះយើងត្រូវប្រើខ្លាញ់ ឬក៏ប្រេងឆា ដើម្បីជំនួយ ហើយម្យ៉ាងវិញទៀតខ្លាញ់និងប្រេងឆាគឺអាចធ្វើឲ្យបាយ ឬក៏សាច់របស់យើងចៀនទៅអត់ជាប់ខ្ទះ បានន័យថាវាអត់ខ្លោច អញ្ចឹងយើងអាចចៀនបាយ ឬក៏ឆាបាយបានយ៉ាងស្រួលដោយមិនជាប់ខ្ទះ ដូច្នេះយើងត្រូវប្រើប្រាស់ប្រេងឆា ឬក៏ខ្លាញ់ ដើម្បីចាក់ចូលទៅក្នុងខ្ទះនៅពេលដែលយើងដាក់ខ្ទះចូលទៅលើភ្លើង បន្ទាប់មកទៀតយើងឃើញថា បន្ទាប់ពីគាត់ចាក់ខ្លាញ់ឬក៏ប្រេងឆាចូលទៅក្នុងខ្ទះហើយ អញ្ចឹងយើងឃើញអ្នកលក់ គាត់ក៏បានយកខ្ទឹមមកហាន់ជាចំណិតៗ ដើម្បីចាក់ចូលទៅក្នុងខ្ទះឆានោះផងដែរ អញ្ចឹងជាទូទៅនៅពេលដែលយើងឆាបាយ នៅពេលដែលយើងឆាបាយ យើងត្រូវប្រើប្រាស់ខ្ទឹម ដើម្បីបំពងសិន អញ្ចឹងអ្នកលក់គាត់បានបំពងខ្ទឹម ដែលដាក់ខ្ទឹមចូលទៅក្នុងខ្ទះ ដែលមានខ្លាញ់កំពុងតែក្ដៅ ដូច្នេះនៅពេលដែលយើងបំពងខ្ទឹម គឺយើងអាចធ្វើឲ្យខ្ទឹមនោះគឺឈ្ងុយ បានន័យថាខ្ទឹមបំពងគឺមានក្លិនឈ្ងុយ អញ្ចឹងដើម្បីឲ្យបាយឆារបស់គាត់កាន់តែមានក្លិនឈ្ងុយ ដូច្នេះគាត់ត្រូវការបំពងខ្ទឹមជាមុនសិន មុននឹងគាត់ដាក់ឆាបាយ អញ្ចឹងរូបភាពទី ៧ នេះ គឺអ្នកលក់គាត់ចាប់ផ្ដើមរៀបចំឆ្នាំងខ្ទះរបស់គាត់ ដើម្បីឆាបាយ ដែលគាត់ជាដំបូង គាត់ចាប់ផ្ដើមបំពងខ្ទឹមជាមុនសិន ដោយបំពងខ្ទឹម ដាក់ខ្ទឹមចូលទៅក្នុងឆ្នាំងខ្ទះ ដែលមានខ្លាញ់ឬក៏ប្រេងឆាកំពុងតែក្ដៅ។

Grilled Fish (Sakanan) — 02


បន្ទាប់មកទៀតរូបភាពទី ២ នៅក្នុងរូបភាពទី ២ យើងឃើញថា បន្ទាប់ពីគាត់ដើរបានបន្តិចក្រោយមក អញ្ចឹងនៅពេលដែលបុរសម្នាក់នោះ គាត់បានដើរបន្តិចក្រោយមក យើងឃើញគាត់ដើរមកដល់កន្លែងលក់ត្រីអាំងមួយកន្លែង អញ្ចឹងយើងឃើញបុរសម្នាក់នោះ គាត់បានឈរសម្លឹងទៅលើកន្លែងលក់ត្រីអាំង ដែលនៅចិញ្ចើមផ្លូវ អញ្ចឹងជាទូទៅនៅកម្ពុជាគឺយើងមានការលក់ត្រីអាំងនៅតាមចិញ្ចើមផ្លូវជាច្រើនកន្លែងផងដែរ ដែលយើងឃើញគេអាំងមានត្រីច្រើនប្រភេទ ដែលមានអ្នកខ្លះអាំងត្រីដៀប អ្នកខ្លះអាំងត្រីរ៉ស់ អ្នកខ្លះទៀតអាំងត្រីក្រហម អ្នកខ្លះទៀតអាំងត្រីអណ្ដែងជាដើម អញ្ចឹងត្រីមានច្រើនប្រភេទដែលប្រជាជនកម្ពុជាចូលចិត្តអាំង។ ដែលយើងឃើញនៅក្នុងរូបភាពទី ២ នេះ គឺមានចង្អើរត្រីមួយ ដែលគេកំពុងតែអាំងនៅក្រោមឆត្រ អញ្ចឹងគឺគេមានចង្ក្រាន ការអាំងត្រីគឺត្រូវមានចង្ក្រាន ដែលចង្ក្រាននោះគឺយើងប្រើធ្យូងដើម្បីឲ្យមានរងើកភ្លើង។ អញ្ចឹងជាទូទៅការអាំងត្រីគឺយើងអត់ប្រើអុសនោះទេ ព្រោះអុសគឺជាឈើ អញ្ចឹងឈើ នៅពេលដែលត្រូវភ្លើង គឺឆេះ មានអណ្ដាតភ្លើង អញ្ចឹងវាធ្វើឲ្យត្រីអត់អាចអាំងបាននោះទេ វាអាចខ្លោច ដូច្នេះយើងត្រូវប្រើធ្យូង អញ្ចឹងធ្យូង នៅពេលដែលត្រូវភ្លើងគឺវាអត់មានអណ្ដាតភ្លើងទេ គឺវាមានតែរងើកភ្លើង អញ្ចឹងវាមានរងើកភ្លើង ដូច្នេះវាអត់អាចធ្វើឲ្យត្រីខ្លោចបានទេ អញ្ចឹងយើងអាចអាំងត្រីបានឆ្អិនល្អ ដែលនៅក្នុងនេះយើងឃើញមានចង្អើរមួយធំ នៅលើចង្ក្រានអាំងត្រី អញ្ចឹងគេអាំងត្រីនៅលើចង្ក្រាន ហើយដាក់ចង្អើរនៅលើចង្ក្រាននោះឲ្យខ្ពស់ផុតពីភ្លើងបន្តិច ហើយបន្ទាប់មកគេដាក់ត្រីនៅលើចង្អើរនោះ ដែលជាក់ស្ដែងនៅក្នុងរូបភាពនេះ យើងឃើញគេកំពុងតែអាំងត្រីចំនួនបីនៅលើចង្អើរដែលធំមួយ ហើយមានបុរសម្នាក់ គាត់កំពុងតែអង្គុយនៅក្បែរចង្ក្រានអាំងត្រីនោះ ដែលគាត់ជាអ្នកលក់ អញ្ចឹងយើងឃើញគាត់អាំងបណ្ដើរ ហើយមានផ្សែងហុយចេញពីចង្ក្រានគាត់បណ្ដើរ បានន័យថាត្រីនោះគឺនៅក្ដៅ ហើយមានហុយក្លិនឈ្ងុយ មកតាមបរិយាកាស ឬក៏នៅក្នុងខ្យល់ អញ្ចឹងធ្វើឲ្យមានអ្នកដំណើរគឺគាត់ចង់ញ៉ាំដោយសារតែក្លិនឈ្ងុយនៃត្រី ដែលយើងឃើញនៅលើចង្ក្រាន គឺយើងឃើញមានឆត្រមួយផងដែរ អញ្ចឹងឆត្រនោះគឺជាឆត្រមួយដើម្បីការពារទឹកភ្លៀង ឬក៏ទឹកសន្សើមផ្សេងៗ កុំឲ្យធ្លាក់ទៅលើត្រី ព្រោះប្រសិនបើត្រីអាំងត្រូវទឹកភ្លៀង គឺធ្វើឲ្យសាច់របស់វាខូច វាអាចធ្វើឲ្យទន់ពេក ឬក៏មិនឆ្ងាញ់ ដូច្នេះអ្នកលក់គាត់ត្រូវបាំងថ្ងៃបាំងភ្លៀង កុំឲ្យទទឹក ទៅទទឹកនឹងត្រីអាំង ម្យ៉ាងវិញទៀត ប្រសិនបើចង្ក្រានអាំងត្រីត្រូវទឹក វាអាចធ្វើឲ្យរលត់ភ្លើង អញ្ចឹងធ្វើឲ្យត្រីអាំងរបស់គាត់អត់ឆ្អិននោះទេ ដូច្នេះគាត់ត្រូវការពារ។ អញ្ចឹងបុរសដែលពាក់អាវលឿង ដែលមានវ័យ ២៣ ឆ្នាំហ្នឹង គាត់បានដើរមកដល់កន្លែងលក់ត្រីអាំងមួយកន្លែង ដែលអ្នកលក់ គាត់ពាក់អាវដៃខ្លីពណ៌ស្វាយ ខោជើងវែងពណ៌ស ហើយគាត់ពាក់ស្បែកជើងប៊ូពណ៌ខ្មៅ អង្គុយលក់នៅក្បែរចង្ក្រានអាំងត្រីនោះផងដែរ។